Guri Rørtveit blir ny FHI-direktør

Instituttleiar og professor i allmennmedisin ved Universitet i Bergen Guri Rørtveit blir ny direktør for Folkehelseinstituttet. Ho blei utnemnd i statsråd onsdag 20. desember.

– Samspelet mellom samfunn og individuell helse har alltid interessert meg, og eg gler meg til å arbeide for betre folkehelse saman med dei dyktige fagfolka ved Folkehelseinstituttet. Direktørjobben gir ein unik moglegheit til å bidra til tilrettelegging for god helse, seier Guri Rørtveit i ei pressemelding får Helse- og omsorgsdepartementet.